al wat ek verloor is die gewig van
werk
studeer
verhoudings
mense
stress
en net dalk
’n millimeter
of milligram
of twee
© Inalize Cilliers, 2023-11-03
Archives for October 2025
onthou jy nog
wie was ek voor ek
iemand wou wees?
voor ek
goedkeuring
gesoek het?
voor ek
myself verloor het?
2023-11-26
Fokus
‘n nuwe jaar
vol antieke vrae
verouderde stories
en ou uitdagings
wat van vorige lysis
oorstaan
as nuwe insigte
ons visie motiveer
om die regte drome
nuwe lewe te gee
kan dit alles
die moeite werd word
2024-01-01
Domino
Die hand wat die gordyn lig
is nie die regiseur nie.
Die voet wat die ritmes uitdans
is nie die choreograaf nie.
Die mond wat die woorde vrylaat
is nie die skrywer nie.
Die oor wat die applous hoor
is nie die komponis nie.
Die oog wat die resensies lees
is nie die beoordelaar nie.
Die een wat dink en pen
skep die domino se baan
sonder om soms self
die laaste buig te verstaan.
2024-04-28
Note:
Meaning of the name Domino:
lord; master.
A masterful title, Domino is a gender-neutral name of French origin that keeps its bearer’s eye on advantageous opportunities. From the Latin dominus, Domino means “lord” or “master,” though its ties to the ancient blocking game encourage a cautious rule.
www.thebump.com
sommer net
Ek skilder nie
majestueuse tekste
of innoveer
met vernuftige tegnike
kuns wat
op papirus kulmineer
of digitaal presipiteer nie.
my woordvlegsels is vry en
speel met waarhede
in die stiltes
tussen sinne
2024-01-25
ontrafel
Soms voel die lewe
soos ‘n bol wol
waarmee die kat gespeel het
en deur die muis uitgepluis is
en die hond trek dit deur die stront
en skielik
moet ek dit weer ontrafel
en in ‘n netjiese bol rol
al is daar nou laste en knope
om als een tou te hou
en dit wat jy daarmee brei
is nooit mooi nie,
maar dit hou darem warm.
2024-05-29
Eeu
100 jaar van nou af
sal my verstrooide as se atome
êrens opgeneem wees
in ‘n ander vorm
as boustene van iets of niks
sal die spasies tussen atome
groter wees as die ruimtes
wat my menswees
eens opgeneem het
100 jaar van nou af
sal daar nie oor my lewe
geskryf of gewonder word nie,
Sal my woorde niemand meer bereik nie –
papier is geduldig, maar ink verdof
anders as spykerskrif op kleitablette.
100 jaar van nou af
is my enigste vingerafdrukke
die lewenslesse wat ek my kinders voorgeleef het
goed of sleg
en dit wat hulle daarvan aan hulle kinders voorgeleef het,
en dit wat hulle daarvan aan hulle kinders voorgeleef het…
100 jaar van nou af
kon mense kies of hulle iets van my wou laat voorteef
soos ek kon kies wat ek van my voorgangers laat voortleef het.
onbewus van die herkoms
of oorsprong
100 jaar van nou af,
was ek net ‘n oomblik se asem in die wind,
want ek is nie
Shakespeare of
Tutanukhmun nie.
2024-05-31
Plaasbeskuit
Ma eet beskuitkrummels
al is die blik propvol
onthoubrood is wit:
varsgebak met dik botter
wentelteefjes met goue stroop
blokkies in melk met bruinsuiker
dik snye met rosyne
onthoubrood is kosbaar
die lekkerste graanontbyt:
swartkoffie bekervol beskuitkrummels
waar al die afvalkrummels
tuiskarringmelk en volgraan-neute
en fancy winkelverpakkings
en geskenke
alles saam
vertel
dat die korsies van onthoubrood
die heel lekkerste is
2025-05-28
@ Inalize Cilliers